طبيب أسنان في عمّان

قبل 3 أسابيع

صارلي تقريبًا شهر بتعالج عند الدكتور ماجد صباح، وبصراحة من أحسن التجارب اللي مرّيت فيها، والأهم إنها غيرت كل فكرتي عن دكتور الأسنان والخوف اللي كان عندي منه. من أول زيارة، الدكتور كان ماشي معي على خطة علاج واضحة ومرتبة، وكل خطوة كان يشرحلي شو بده يعمل وليش، وكان دايمًا يتأكد إني فاهمة ومرتاحة قبل ما يعمل أي إشي. طول فترة العلاج كان صبور ومتعاون جدًا، واهتمامه براحة المريض واضح بكل تفصيلة. خلال هالشهر خلعت 3 طواحين عقل، ووحدة منهم كانت جراحة، وعملت حشوات لعدد كبير من طواحيني، وكمان عملت علاج عصب. ومع كل هالإجراءات، تجربتي كانت أسهل بكثير مما كنت متوقعة، والألم كان خفيف ومحتمل جدًا، وفوق كل هاد إيده خفيفة بالشغل. أكثر إشي حبيته فيه إنه فعلًا همه يحافظ على السن قدر الإمكان، ودايمًا بحاول يلحق التسوس ويعالجه قبل ما يوصل لمرحلة أسوأ. وشغله بالحشوات ما شاء الله دقيق ومتكتك جدًا؛ بحب ياخذ وقته ويشتغل على مهله ويتأكد من كل تفصيلة، والنتيجة بتكون مرتبة لدرجة بتحسي إنه ما صار بالسن إشي من الأساس. الدكتور محترم جدًا، صبور، وبتحسي إنه فعلًا همه صحة المريض وراحته، مش بس إنه يخلص العلاج. وأنا شخصيًا أكثر إشي بقدّره إنه قدر يخليني أتخطى جزء كبير من خوفي من دكتور الأسنان، وصرت أروح على مواعيدي وأنا مطمنة بدل ما أكون خايفة ومتوترة. عنجد تجربة مميزة، وبكل ثقة بنصح فيه. يعطيه العافية على شغله واهتمامه وصبره. 🤍

قبل 6 أشهر

بصراحة كانت تجربة ممتازة مع دكتور سنان. شغله احترافي جداً ونتيجته واضحة ومرتبة. غير هيك، العيادة نظيفة بشكل ملفت ومرتبة، وبيعطي إحساس بالراحة من أول ما تدخل. نحن جينا من ألمانيا أنا وزوجتي خصيصاً لنتعالج عنده، وكانت التجربة أكثر من رائعة، والحمد لله النتيجة كانت ممتازة. الدكتور كثير لطيف وبيشرح كل شيء بالتفصيل، وبيهتم براحة المريض ورضاه. واضح إنه عنده خبرة وضمير بالشغل. أنصح فيه بشدة لأي حدا بدور على دكتور شاطر وتعامل راقي. شكراً دكتور سنان على الخدمة الرائعة

قبل 7 أشهر

دكتور ماجد وشغله نظيف وعيادة نظيفة جدًا ومطبقة كل بروتوكولات الصحة الدولية ، كما ان صاحب العيادة هو نفسه الي شغال فيها يعني متابع حلاله بأيده ربي يوفقه دنيا وآخره

قبل 5 أشهر

يعطيكم العافية عيادة نبرة... بأمانة التعامل جداً راقي من الدكتور ماجد الصباح وممرضته ناهيك عن الاهتمام والامانة بالشغل.... والمكان نظيف ومرتب والمواعيد فيه منظمة

قبل 6 أشهر

ماشاءالله كتير عياده مريحه وتعامل ولا أجمل